Somalia Attack: Government don sack police and intelligence oga

Di area for Mogadishu wey two bombs tear on Saturday October 28, 2017 Image copyright Getty Images
Image example People dey fear say dem go find more dead bodi dem

Somalia government don sack di oga of police and intelligence after bomb blast on Saturday for di capital Mogadishu.

Dem comot police oga Abdihakin Dahir Saiid and di director of national intelligence, Abdillahi Mohamed Sanbaloosh, from office on Sunday.

Jihadist group Al Shabab say na dem carry out di attack, wey kill 27 people and injure many others.

Di government take di decision after one emergency cabinet meeting, na wetin officials talk.

Police say dem catch three of di militants alive, while two others blow demself die during di attack.

Di gunmen enter di building after two bombs tear di area on Saturday, 28 October, 2017.

Dis one dey happen just 10 days after big bomb blast kill pass 350 people for di country.

Wetin Happen

Image copyright MOHAMED ABDIWAHAB/Getty Images
Image example E never still clear how many people die for Saturday explosion

Tori be say di first explosion happen after car with bomb inside drive enter one hotel.

Small time, di second one come happen near di former parliament house.

E never dey clear how many people die and how many get injury, but one local ambulance service for Mogadishu talk say dem don carry fifteen people wey wound go hospital.

Topics Wey Dem Resemble

Another thing we de for inside dis tori