Nigeria don rank 35 for how government perform inside Africa

Lagos city Image copyright Getty Images
Image example Even though say dem rank Nigeria 35, di report still talk dey insist say things don improve for di country.

Nigeria don enter number 35 for government performance out of all di 54 countries for Africa.

Na one report wey The Mo Ibrahim Foundation release today for Dakar, Senegal talk dis one.

Even though say di report talk say Nigeria governance don beta small since di last five years, dem still score Nigeria 48.1 out of 100, score wey low pass di African average of 50.8 and di West African average of 53.8.

Dis governance ranking get different category and Nigeria score dia highest inside Participation and Human Rights category (52.5) and di country score dia lowest inside di Sustainable Economic Opportunity (42.3).

Di report show say di direction wey Africa dey follow for governance dey positive even though say many countries on top di continent dey struggle to change some kain negative things. All in all, things dey move slow-slow for di continent but e dey improve.

Image copyright Getty Images
Image example Di report say na education sector things don worse pass for Africa.

One sector wey things don worse pass na Education. For continent wey be say 41 percent of di population dey below 15 years, no progress at all dey for education. Plenty Africans no dey happy with how government dey do siddon look as things dey change for education for other countries.

South Africa: 'No plan for free education'

Nigeria: Kaduna wan hire 25,000 teachers

Na for 2016 Africa get dia highest overall score for governance wey be 50.8 out of 100. Some countries wey improve well-well for dis year report na Cote d'Ivoire, Morocco, Namibia and Senegal.

Topics Wey Dem Resemble

Another thing we de for inside dis tori