Nigeria: Suicide bombers don kill 15 people for Biu, Borno State

Soldier dey waka pass car Image copyright MOHAMED ABDIWAHAB
Image example Boko Haram dey disturb countries wey dey around di Lake Chad region

Suspected Boko Haram suicide bombers kill at least 15 people for attack for market for Nigeria northeast town of Biu for Borno State, dat na wetin officials dem talk.

Biu na di biggest town for south of Borno State, and dis na one of di worst attack for di town by suspected members of Boko Haram.

Di blast happen when aid workers dem dey share food for people wey di eight years Boko Haram fight- fight don affect, na so Aliyu Idrisa, wey be community leader talk.

To add to di 15 people wey die, 53 people wound and two of di bombers dem die too, na wetin Victor Isuku, police talk talk person for Borno state talk.

Just last week, for northeastern town of Mubi, suicide bomb bin kill at least 50 people, one of worst attack in recent years.

All dis deadly attack don make people dey ask questions about Nigeria government and military wey say dem don wipe out Boko Haram Islamist insurgency.

Topics Wey Dem Resemble

Another thing we de for inside dis tori