Nigeria: 'Rice smugglers don get new way to enter market' - Customs

customs Image copyright PIUS UTOMI EKPE
Image example Nigeria Customs don seize 52 bags of rice from smugglers for Adamawa.

Nigeria Customs Service (NCS) say dem don discover new levels wey smugglers dey take move rice enter di country from di border town of Mubi for Adamawa State.

Dat na according to Vanguard newspaper.

Adetoye Francis, wey be di Adamawa/Taraba Area Comptroller of NCS talk dis one as im dey inspect one car and two tricycle wey dem say smuggle rice from Mubi town.

Im say di Command know di new style wey smugglers dey use, and na to dey operate like lorry wey carry sand, but dem go pack rice under. to take deceive Customs officials.

"Di smugglers dey use di construction wey dey go on for Mubi dey carry tipper wey suppose carry sand for smuggling."

"Di lorry wey dem arrest am for Mubi-Sahuda border road na with 52 bags of rice wey dem use sand cover," na wetin Francis talk.

Nigeria na one of di highest importers of rice for di world; rice na very popular food for Nigeria.

Nigeria rice statistics dem

◾For di past five years na nearly 17 million tonnes dem import

◾For 2016 na 2.3 million tonnes dem import

◾Di demand for 2016 na 5.2 million tonnes

◾Na $5m (£4m) di country dey spend a day for rice shipments

◾Rice dey account for 1.26% for di entire budget for 2017

Topics Wey Dem Resemble

Another thing we de for inside dis tori