Nigeria: How school principal enter soup ontop social media video

Plenty Nigerians provoke when di video first come out on di week of January 15, 2018 Image copyright Facebook
Image example Plenty Nigerians provoke when di video first come out on di week of January 15, 2018

One video wey spread for social media early dis week of teacher wey flog students for one school inside Nassarawa, north-central Nigeria, don land di principal for trouble.

Tori be say di teacher bin flog di students for Government Science Secondary School, Nassarawa-Eggon because dem bin no come school during di first week wey di school open dis year.

Unknown to di teacher wey dey beat di student dem, person bin video di flogging come post am for social media and na so di matter begin provoke people for Nigeria so tey some even chook mouth against di matter.

Now, Nassarawa State government don suspend di school principal and three odas come announce say dem don ban corporal punishment for all di 13 local government areas and 18 development areas inside di state.

Di state Commissioner for Education, Tijjani Ahmed, wey confirm dia suspension on Thursday say di decision follow di way di video wey show di beating of some students of GSS, Nassarawa-Eggon take spread everywhere for social media.

Dis no be di first time wey mata wey spread on top social media dey force government or authority dem for Nigeria to take action sake of say people don chook mouth wella on top di matter.

Another thing we de for inside dis tori