Herdsmen killing: Another attack for Nasarawa kill seven people

Vigilante people for Bakin Kogi, Kaduna state, northwest Nigeria dey look di damage after herdsmen attack di village on 24 February, 2017 Image copyright Getty Images
Image example Vigilante people for Bakin Kogi, Kaduna state, northwest Nigeria dey look di damage after herdsmen attack di village on 24 February, 2017

Nasaraw government for north central Nigeria go send security go Kadarko village after another gunmen attack kill seven people and wound plenty.

Di governor, Umaru Tanko Almakura, wey visit di area to see wetin happen koro koro say I'm shock on top wetin I'm see.

Im say dem go investigate di matter as di state dey send relief material to di 30 thousand people wey di gunmen pursue comot for dia village.

"E touch me wen I see people just dey run from dia village. Small children and pregnant women just dey trek long distance with load for dia head.

No revenge, police bin beg herdsmen

Nigeria Police bin beg di Fulani herdsmen wey be say gunmen kill 73 of dia cows yesterday, make dem no do dia own back.

Kennedy Idirisu wey be di Police Public Relations Officer for Nasarawa State where di attack happen tell BBC News Pidgin tori person Ogechi Obidiebube say dem invite di victims come dia office, come promise dem say make dem just allow police handle di matter.

Local media report say some gunmen bin attack one group of Fulani herdsmen for Kadarko community, Narasawa state on Sunday, before dem begin shoot dia cattle, come kill 73 of dia cows.

Edward Ujege wey be di oga of di Tiv people of Benue state don deny tori wey claim say na some bad gang from di Tiv people attack di Fulani herdsmen dia cattle.

Ujege say di accusation no make any sense and e just dey rubbish di hardship wey Benue state and di whole of Nigeria dey go through after herdsmen kill 73 people on New year day for di state.

Topics Wey Dem Resemble

Another thing we de for inside dis tori