Kenya TV shutdown: Government never obey court order

An empty studio belonging to the NTV channel pictured in Nairobi on 1 February 2018 Image copyright Reuters
Image example Empty studio for NTV channel

Kenya government still never allow TV stations wey dem shutdown to start again, even after High court don suspend di shutdown.

KTN, NTV, and Citizen TV na stations wey dem shutdown wey dey try broadcast Mr Odinga inauguration on Tuesday.

Image copyright Getty Images
Image example Goverment switch off di broadcasters' signals on Tuesday after di TV stations no gree obey a state order make dem no show live footage of Raila Odinga "swearing-in" ceremony.

Odinga lose last year election and plenty people see di swearing-in wey im go do recently as publicity stunt.

Opposition groups don accuse government say di shutdown dey against public right to information on top important mata.

Image copyright KTN

Joseph Mucheru, di information, communication and technology minister tell BBC say di mata na security mata so na di security minister fit talk for di mata.

One of di stations wey di shutdown affect tweet di latest judgement of di court.

One human rights activist Okiya Omtata later come carry di mata go court make dem declare di shutdown say e no follow for law.

Meanwhile, Kenyans don dey vex say dem no fit watch news and their favorite programmes for three days.

Topics Wey Dem Resemble

Another thing we de for inside dis tori