No sell National Theatre - Nigerian lawmakers don warn

National Theatre for Lagos, Nigeria. Image copyright iStock
Image example Di National Theatre get shape of military cap.

Nigerian lawmakers don tell Federal Government make dem no sell di country National Arts Theatre.

Na di Chairman, House Committee on Tourism, Omoregie Ogbeide-Ihama, talk dis one for Abuja, on Friday.

Di lawmaker say e go benefit Nigerians well-well if government no sell di historical National Theatre wey dey for Lagos State.

Ogbeide-Ihama complain say government no put eye for di tourism and culture sector.

Top five paintings wey Lemma Guya do

FESTAC 77: UNESCO wan mark di 40th anniversary

Di lawmaker say tourism fit help grow Nigeria economy instead of to dey focus on only oil, come even boost Nigeria Gross Domestic Product (GDP) join.

Ogbeide-Ihama tell government say Nigeria creative industry dey contribute reach 1.6 percent to di country GDP.

Topics Wey Dem Resemble

Another thing we de for inside dis tori