Why I no dey comot Jacob Zuma statue - Okorocha

Imo State Governor, Rochas Okorocha. Image copyright Getty Images
Image example Governor Rochas Okorocha of Imo State don face hot fire ontop di statue of Jacob Zuma and others wey im put for im state.

Di governor of Imo State Nigeria, Rochas Okorocha, don talk say dem no go comot di statue of former South African President, Jacob Zuma wey dey di state.

Di Imo State government argue say na when Zuma still be South Africa president dem put im statue for di state.

Na inside press release wey Okorocha Chief Press Secretary, Sam Onwuemeudo sign, on Friday, dem talk dis one.

Im claim say dem mount di statue for Imo State because Zuma na strong man wey no go school but e still play big role for South Africa freedom.

Di paper add say: "Zuma also resigned honourably. And after e enter Imo, where im speak against di kill-kill of Nigerians for South Africa, di situation dey under control to large extent...Zuma no come for politics."

Dis Zuma statue dey among di seven odas wey Governor Rochas Okorocha arrange full Imo State capital, Owerri.

Some Nigerians feel say di statue no just make sense and dem enter social media to talk dia mind:

Topics Wey Dem Resemble

Another thing we de for inside dis tori