Boko Haram attack: Government dey find 50 schoolgirls

Dapchi school, Yobe, wey Boko Haram attack
Image example Dis na di school for Dapchi, Yobe state, as authorities go see wetin dey happen after di attack

Di government of Yobe state for Nigeria don confirm say dozens of school girls na im dem never fit still find, after attack ontop di town of Dapchi.

Boko Hara militants bin storm di town on Monday 19 February for evening, and na so dem enter di girls dia secondary school. By di time dem reach, many of di students and teachers don pick race. But na up to 50 students na im nobodi know where dem dey.

E never tay wey di Commissioner for police for Yobe state, Abdulmaliki Sumonu say Boko Haram no kill or carry any schoolgirl for Government Girls College for Dapchi town.

Terrorists been attack di town on Monday dey shoot gun anyhow sotay dem even carry food sef from di school but everybody see chance escape.

Sumonu tell tori people for Yobe say di terrorist kidnap three men for one community for Geidam Local Government Area after dem attack Dapchi.

Im say so far, nobody dey report say dem carry girls from di school.

"We still dey collect information about di attack, di number girls and everybody for di area," na wetin im talk.

Topics Wey Dem Resemble

Another thing we de for inside dis tori