Nigeria Central Bank say small mint money go soon enter market
Di Central Bank of Nigeria don begin distribute small-small naira note to traders to helep N5, N10, N20 and N50 circulate for di economy.
Di Acting Director, Currency Operations Department, Pricillia Eleja, talk dis one for publicity campaign wey dem do for Wuse Market, Abuja on Tuesday.
She say na mainly market men and women dem dey target, and di capital Abuja na better place to start, before e go spread di whole kontri.
"Di money no be for free. Through di different market associations, traders go fit exchange big notes for small ones."
- CBN: Banks get two weeks to dey settle any customer kwanta
- Central Bank of Nigeria go get new Deputy Governor
Na mint (new-new Naira notes) dem go distribute but Eleja say, no be for dem to go "keep for dia house, go spray for wedding, or sell."
Na say anybodi wey dem catch dey sell am, dem go carry am go court.