I go help Ghana fight corruption - Buhari
Nigerian President Mahamadu Buhari give President Akufo-Addo firm assurance say he go support am fight against corruption for Ghana.
President Buhari who be di Special Guest of Honour for Ghana in 61st Independence Anniversary congratulate di country over di introduction of Special Prosecutor Bill which go help deal with corruption.
- Ghana: 'Politicians abeg allow di Special Prosecutor succeed' - UK
- Corruption Perception Index: Mahama gov't perform better in year one pass Akufo-Addo gov't
Di Office of di Special Prosecutor according to President Buhari be strong indication say Ghana make ready say e go fight corruption for public service.
"I dey congratulate you sake of di effort you put into di fight against corruption which enter…Your Excellency I want assure you say you get better partner like me wey go help tackle corruption" di Nigerian President Buhari reveal.
He also praise President Akufo-Addo sake of in role in di peace talks between opposition parties den government for Togo.
As Special Guest of Honour for Ghana he congratulate di country for di sound economic policy which dey yield dividends for Ghanaians.