Chibok/Dapchi girls: Why we no dey rush – Buhari

Nigeria President Muhammudu Buhari Image copyright Getty Images

Nigeria President Muhammadu Buhari don talk say im want make di school girls wey Boko Haram kidnap from Dapchi and Chibok come back house alive.

Buhari say dis na why im dey take im time to take any hurry-hurry action about di mata.

Di presido talk dis one as im dey welcome di US Secretary of State Rex Tillerson for Abuja, Nigeria.

Buhari tell di US thank you as dem dey help Nigeria fight terrorism. Im say Nigeria army dey strong but dem still need help for training and beta machine.

Mr Tillerson confam say US dey support Nigeria with equipment, training and information to take find di Dapchi Girls.

Dem no support media player for your device
Dapchi Girls: "We dey give Nigeria government support" - Tillerson

Mr Tillerson bin talk dis one for conference wey im and Nigeria Minister of Foreign Affairs Geoffrey Onyeama, bin do with journalists on Monday 12 March.

"We respect say na Nigeria government get di responsibility... but di way we support Nigeria na to give dem equipment, training, pipo for special operations, and sharing some kain information so as to ensure say dem get all di information for planning to take bring back di [dapchi girls], talk Mr Tillerson wey go return back to Washington today.

Di plan before na for Tillerson to stay for Abuja till tomorrow but tori later come out today say im need to return back to US because of "urgent mata" wey dey wait am.

Im also remind pipo say no be only Nigeria di Boko Haram palava dey worry.

Mr Tillerson say "E also dey important to put am for context say Boko Haram na threat to others for di region."

Later dis week, Buhari go visit Yobe state wey Boko Haram enter one secondary school for Government Girls Science and Technical College, Dapchi, kidnap 110 Dapchi girls.

Topics Wey Dem Resemble

Another thing we de for inside dis tori