Nigeria: JAMB don hold pass 100,000 results

JAMB logo. Image copyright JAMB/FACEBOOK
Image example JAMB na di join bodi wey dey set exam for people wey wan go university for Nigeria.

Plenti candidates wey write di 2018 Unified Tertiary Matriculation Examination (UTME) don dey vex say dem never see dia result.

Dis na as di bodi wey dey organize di exam for Nigeria, Joint Admission and Matriculation board (JAMB) bin talk say dem no go release result immediately as dem dey do before because dem wan check whether wuru wuru bin dey for dia centres.

Dem talk say dem go do more investigate for di matter and punish all di people wey bin cheat.

Dis na as candidates don dey write for social media say make dem look di camera footage wella because e no go good to punish those wey no cheat because dem bin dey hall wey wuru wu dey happen.

Dis na wetin come make am be trending topic for social media.

Wetin people dey talk about di JAMB results?

Some people dey joke say snake fit don swallow dem result as JAMB official bin say snake swallow money for JAMB office.

Dis person talk say dem release im result come unrelease am after some time.

Dis person talk say im friend wey write JAMB see e no register for di exam when e bin go find im results.

And dis person dey vex say JAMB don spoil im plan to get like 270 for di exam as dem no release im score.

Topics Wey Dem Resemble

Another thing we de for inside dis tori