Dino Melaye don enta Police hand again inside hospital

Police and Dino

Nigeria Police don re-arrest Senator Dino Melaye for Zanklin Hospital Abuja, where im bin dey collect treatment.

Police bin don first arrest Dino for morning, but im jump comot for van as police dey carry am.

How Dino Melaye take land for di hospital, dey like wetin dey happen for action film. Tori be say im wound afta im jump comot from di police van wey dey move, for Area 1 inside Abuja.

Police say some thugs bin block dia van come collect Dino from dia hand as dem dey carry di senator go court.

Police talk-talk pesin Jimoh Moshood say police team come re-enforce and track Dino Melaye go Zanklin Hospital Abuja, where dem re-arrest am.

"We dey carry am go court without further delay," di statement talk.

"Meanwhile, one of di Toyota hilux vehicles wey di thugs use to carry am escape we don recover am and investigation dey go on."

E no dey clear now how serious di injuries wey Senator Melaye get dey.

Topics Wey Dem Resemble

Another thing we de for inside dis tori