This is Nigeria video: Falz no ready to follow MURIC warning

Dem no support media player for your device
This Is Nigeria: Wetin Falz tok inside di video

Nigerian Afrobeat musician, Falz, don tok say im no get any plan to remove im 'This is Nigeria' video.

Muslim Rights Concern (MURIC) on Tuesday give Falz seven days to clean di music video or dem go cari am go court.

In fact, di tin don catch fire for Nigeria social media as some pipo tok say di MURIC warning no make sense and odas support di group.

Falz manager, Femisoro Ajayi, tell BBC say wetin dey happen na pipo wey dey try "shoot di messenger".

Since May 25 wen Falz release di video, e don get moredan 4.2 million views for YouTube.

Dem no support media player for your device
"My music get sense" - Falz The BahdGuy

But dis no be di first time wey MURIC don chook mouth for mata

100 Naira note mata

Image copyright Twitter/knoxTertainment
Image example Di new 100 Naira note.

For 2014, dem enta tori pipo eye afta dem tok on top di removal of di Arabic sign wey bin dey di 100 Naira moni as Nigeria Central Bank release di redesigned note.

Central Bank add the Jewish sign of "Star of David" for di hundred naira note but MURIC say na sign of "religious fanactism".

Dis na as dem tok say di removal of di Arabic lettering wey bin dey di bottom of di note fit be say dem dey marginalize Nigerian Muslims.

NYSC call to camp at the start of Ramadan

Image copyright Getty Images
Image example Many pipo dey use fasting time to read Quran

Anoda mata happen for June 2016 when NYSC bin announce di date of di start for orientation for di same time wey Ramadan fasting suppose start.

Dem tok say dis on fit block Muslim graduates wey dey ready to enta service and say religious wahala fit happen because according to dem, "Hungry man na angry man".

On top di Hijab call to bar mata

Di mata of di lady, AbdulSalaam Firdaus Amasa wey Abuja Law School bin no allow her do her call to bar on top say she refuse to comot her hijab bin also catch dem eye.

For release wey dem post dem compare wetin happen with apartheid for South Africa and call am say e dey against di human rights of Muslims.

President Muhammadu Buhari "lazy Nigeria youths tok"

Image copyright Bayo Omoboriowo

Di group tok say na true say president Buhari tok say make we tell our sef truth. Dem give example of militants and Boko Haram, say na youths dey for inside.

Dem also tok on top pipo wey dey fight for election say na laziness dey cause dat one.

Topics Wey Dem Resemble

Another thing we de for inside dis tori