Pikin wey dey chop strong food dey sleep wella - Study

Study say babies wey dem dey give solid food togeda wit break milk dey sleep for longer time Image copyright Getty Images
Image example Study say babies wey dem dey give solid food togeda wit break milk dey sleep for longer time

One new study say Babies wey dem dey give solid food plus breast milk from three months dey sleep beta than those wey just dey chop only breast milk.

For di study wey dem publish for Journal of the American Medical Association, wen pikin dey chop solid food early before dem reach six months e dey benefit di mama and di baby.

Di babies go dey sleep long and di mama go get beta quality of life.

Image copyright Penn State
Image example Medical magazine, The Lancet, talk say Nigeria dey among di ten countries wey get di largest number of children wey fit get problem as dem dey grow.

Researchers from King's College, London, and St George's, University of London, survey 1,303 three-month-olds, and divided dem into two groups.

One group do only breastfeeding for six months, di oda group give dia pikin solid foods togeda wit breast milk from di age of three months.

Parents then go online to fill one questionnaires everi month until dia baby dey 12 months old, and then everi 3 months until dey reach three years old.

Dem no support media player for your device
Ghana: Blue-eyed toddlers turn photo models against claims dem be “cursed”

Di study show say pikin wey dey di group wey dey chop strong food plus breast milk:

  • Dey sleep longer
  • No dey wake upandan
  • Get less sleep problem than those wey dey dey give dia pikin only breast milk until about six months.

Topics Wey Dem Resemble

Another thing we de for inside dis tori