Ekiti election materials don reach all di 16 local goment areas - INEC

Image example Na for all di 16 Local Goment Areas di govnorship election go hold on Saturday 14 July

Ekiti election preparation dey gear three as Independent National Electoral Commission (INEC) wey go organize di election don begin distribute materials for Saturday 14 July govnorship vote.

Dis na afta INEC collect election materials from Central Bank office inside Ado Ekiti, di state capital, on Thursday.

Professor Abduganiyu Raji
Image example Professor Abduganiyu Raji

'We don distribrute all di materials to all di local goments, all di party agents dey confam say evritin complete before we begin share dem. I get five Supervisig Resident Electoral Commissioners (RECs) wey dem send to come assit me and four National Commissioners.'

Na wetin Ekiti State Resident Electoral Commissioner Professor Abduganiyu Raji tell BBC.

PDP protest Image copyright OfficialPDPNig
Image example PDP members also cari dia waka go di office of INEC, di election bodi for Nigeria

If Ekiti State election get k-leg, Nigeria democracy don dabaru - PDP

Meanwhile, members of main opposition Peoples' Democratic Party PDP don do I no go gree waka for across Nigeria.

For Abuja, Nigeria capital, na di National Chairman of di party, Uche Secondus and oda national leaders of di party lead di protest.

Dem di para on top how Police pipo for Ekiti State for south-west Nigeria block di goment house for di state, come disrupt PDP rally on Wednesday.

Governor Ayodele Fayose bin announce for local tori pipo say, di police pipo beat am and pour am tear gas.

Di PDP leadership say di way wey dem treat Fayose, na civilian coup and say if INEC venture rig di election, kasala go dey.

Dem begin di protest from dia secretariat and dia first point of call na di National Assembly, wey dem carry dia cry go.

Afta dem read dia petition, di deputy Senate President, Ike Ekweremadu come assure dem say di lawmakers chook eye on top dia mata.

From National Assembly dem arrive for INEC and cut warning give di election bodi say if di election get k-leg, e den mean say Nigeria democracy don dabaru.

Topics Wey Dem Resemble

Another thing we de for inside dis tori