Nigeria Air: How pipo dey react on top di new airline

Nigeria Air Image copyright Getty Images

Nigeria goment don announce say new national airline don land and go start work for December.

Nigeria Air, wey be di name of di new airline, dey show 15 years afta di old one, Nigeria Airways stop to dey work.

Di kontri bin try to start anoda one since - Air Nigeria (aka Virgin Nigeria), den Nigerian Eagle Airlines - but e no work.

Afta Aviation minister, Hadi Sirika, announce am for di Farnborough Airshow for United Kingdom, na so Nigeria Twitter catch fire.

Some pipo jolli say di airline don land

Some dey scratch head say which kain logo be dis?

Di tin wey concern some pipo na weda di airline go go di way of im grandpapa Nigeria Airways

Em...but oda serious mata start to dey show...

...load...

...small or big chops...

...some pipo sef don alreadi dey advertise diasef for work

On top dis work mata, Chairman of Nigeria Airways' branch of di Nigeria Union of Pensioners (NUP), Sam Ezene bin tell BBC Pidgin say im and e members get shock wen tori land say goment don announce new national airline, say goment no suppose launch Nigeria Air unto say dem owe dem pensions reach 14 years.

''Dem suppose take care of di final entitlement of di workers of di former national carrier first,'' im tok.

Im accuse goment say dem do u-turn, go England go launch new airline, and say e no sweet for belle and e no good for di image of di kontri.

Image copyright Aero Icarus
Image example Nigeria Airways for di 1990s get up to 40 aeroplanes

But upon all dis, e be like say Nigerians don embrace di new airline and don ready to climb enta di first flight.

Topics Wey Dem Resemble

Another thing we de for inside dis tori