Ibrahim Coomasie: Wetin you suppose know about di former Police oga

Ibrahim coomassie Image copyright @PoliceNG

Former Nigeria Police Inspector-General, Alhaji Ibrahim Coomasie, die on Thursday for National Orthopedic Hospital wey dey Katsina, northern Nigeria.

Na seventy six years im be wen im die afta small sickness catch am.

Police bin release statement on top di mata and President Muhammadu Buhari don tell im family sorry.

Oga Coomasie na di 9th Nigerian wey become Inspector General and e join police as cadet Inspector for May 1964.

Image copyright @ACF

Na 1993 di Late Coomasie become oga patapata for police and e serve under di goment of former Heads of State Ibrahim Babangida and Abdulsalami Abubakar.

Dat time, im follow dey di Provisional Ruling Council (PRC), di highest organ wey dey run tins for di kontri.

Dem no support media player for your device
#ENDSARS No be serious mata

Na im be di chairman of Arewa Consultative Forum (ACF) before im die. ACF na joinbodi wey dey represent pipo for northern Nigeria.

Late Coomasie be di Sardauna of Katsina.

Na im younger broda, Dahiru Coomassie, confam say na around 5pm Thursday di former police oga die for hospital.

Image copyright Twitter

Topics Wey Dem Resemble

Another thing we de for inside dis tori