Idris Elba wan be James Bond actor wen Daniel Craig leave next year?

Idris Elba Image copyright Getty Images

Idris Elba don post message wey get belle for twitter to suggest say e fit be di next James Bond.

Di actor drop di tweet post on Sunday just days afta tori from dem-say dem-say tok say di producer of di feem don choose Elba to be 007.

Im write: "My name's Elba, Idris Elba".

Fans dey take am as one big hint wey fit be say Idris Elba wan to take on di role wen Daniel Craig leave next year.

Dem-say - dem-say tok don link Idris to di Bond role since 2014, wey im neva confam nor deny.

Di 45-year-old actor, wey don popular wella for im feems like Star Trek, Luther and The Wire, don tak before say im dey too old to take on di popular 007 role.

But, im neva comot bodi from tori for town and e don say im "feel like one national treasure" as dem dey carri wan join-bodi wit Bond.

Earlier dis week, tori tok say said Bond feem oga Barbara Broccoli bin tok say "time don reach" for pesin wey be non-white actor, dat is to say pesin wey be black actor to take on di role.

Di feem Director Antoine Fuqua tell tori pipo Daily Star say Broccoli bin tell her say she fell say one black actor as di main actor for dis popular feem "go happun eventually".

Barbarana di gil pikin of Albert "Cubby" Broccoli - one of di men wey started di official Bond film franchise for 1960s wit Sean Connery as di main actor den.

Fans no fit drink water keep cup again since dis Idris rumours sotay some dey post for social media say im "fit dey tease dem".

Image copyright Getty Images
Image example Sean Connery (the first Bond) prepares for a casino scene in Thunderball, the fourth 007 movie

Topics Wey Dem Resemble

Another thing we de for inside dis tori