Kemi Adeosun don resign as Nigeria Finance Minister

For 2011, Kemi Adeosun even use dis same certificate become Finance Commissioner for Ogun State south west Nigeria, according to Premium Times Image copyright @FinMinNigeria
Image example For 2011, Kemi Adeosun even use dis same certificate become Finance Commissioner for Ogun State south west Nigeria, according to Premium Times

Nigeria goment confam Friday night say di Finance Minister Kemi Adeosun don resign afta almost three years for office.

Madam Adeosun resign becos she find out say di National Youth Service Corps (NYSC) certificate wey she use qualify to become minister na fake, according to reason she give for her resign letter.

She feel say her position for office go cause wahala for President Buhari campaign for im 2019 elections, according to Nigeria local media.

Image copyright @HMKemiAdeosun
Image example Adeọṣun pada sọrọ lori ẹsun ayederu iwe ẹri isinruulu NYSC ti wọn fi kan

Zainab Ahmed na di Acting Minister of Finance wey Presido Muhammadu Buhari appoint as e accept make Kemi waka.

Tori of Kemi Adeosun resign first break Friday afternoon for Nigeria local media witout official confamation on top di mata.

Image copyright @HMKemiAdeosun
Image example Kemi Adeosun become Nigeria Minister of Finace for November 2015 wit dis same certificate, according to Premium Times

Tori be say for July 2018, tori pipo Premium Times bin do investigate wey show say di minister forge her National Youth Service Corps (NYSC) certificate.

Na Friday for inside di resign letter Adeosun tok anytin for di first time about di accuse wey make her resign.

Topics Wey Dem Resemble