Pidgin session inside Social Media Week Accra

Pidgin session inside Social Media Week Accra

Social Media Week for Accra close wit one ogbonge session from BBC News Pidgin.

E reach about hundred pipo wey show to attend di session and plenty more pipo bin watch am live ontop BBC Pidgin Facebook page.

Di session na di only one wey dem do for pidgin and e bin sweet pipo for bele even id oyinbo pipo wey show Di place.

Many of dem wey be young pipo bin dey jolly to see di team wey dey give dem beta tori wey dey always totori dem.

Some of di young pipo say dem dey happy wit di work wey BBC pidgin dey do and dem go like see more of we work.

Pipo still tok say dem happy as pidgin don dey go dis level as e be one Language wey dey unify plenty pipo especially inside West Africa.

The session wey carry title of "BBC pidgin minute workshop" chook eye inside how di service dey produce di popular BBC pidgin minute and how we dey waka ontop social media plus who we epp wit di kain work wey we dey do.

Image example Pipo still tok say dem happy as pidgin don dey go dis level

Topics Wey Dem Resemble

Another thing we de for inside dis tori