Nigeria flood 2018: More than 100 pipo don die and di number fit increase

Nigeria flood Image copyright AFP
Image example Niger state get di highest number of death according to NEMA - forty pipo

Authorities for Nigeria say flood don kill more than 100 pipo for different parts of di kontri for di past two weeks.

Di National Emergency Management Agency (NEMA) say di flood na because of heavy rain wey make di two major rivers for di kontri - Niger River and Benue River - to overflow.

Goment don tell pipo wey dey live near water side to comot go wia dey safe.

Tori be say na di north central state of Niger na im get di highest number of death and na villages dem wey di flood don affect wella according to NEMA.

Di oga of di agency Mustapha Yunusa Maihaja tell BBC say, na more dan forty pipo die for di state. Many more pipo die for eleven oda states.

Plenti communities dem dey under water while thousands of pipo no get wia dem go tanda and di flood still don destroy plenty farms dem.

Authorities say e dey possible to see more flood as di heavy rain still dey fall for di kontri.

Topics Wey Dem Resemble

Another thing we de for inside dis tori