Peter Obi: Atiku Abubakar don choose who go follow am run race for Nigeria presidency
People's Democratic Party (PDP) candidate, Atiku Abubakar, don choose Peter Obi as im running mate for di 2019 Nigeria presidential election.
Diran Odeyemi wey be deputy national publicity secretary for PDP, confam to BBC Yoruba say na di former govnor go follow oga Atiku run di race to occupy Nigeria presidency next year.
Atiku Abubakar don dey find pesin wey go contest with am as vice presidential candidate, and e be like na south east Nigeria im party PDP cut eye give di spot.
- Atiku, Buhari, Donald Duke, Oby Ezekwesili: Who strong pass for 2019?
- #DayOfTheGirl: 'Hail your female pikin today.'
- Di 3 pipo who fit become Atiku running mate for 2019 election
E neva reach one week wey PDP nominate Atiku Abubukar as dia presidential nominee for inside hot primaries wey last almost di whole day.
E be like pipo for social media don already dey celebrate.