Why Buhari 1961 WASC result carri old papa photo

Buhari certificate Image copyright BashirAhmadd

West African Examination Council (WAEC) don explain why di 'Attestation of Results' dem give Nigeria President Muhammadu Buhari carri im current foto.

Na on Friday WAEC give Presido Buhari im certificate for exam im write for 1961 and many pipo begin wonda why di foto wey dey ontop di results, no be di one im use di time im write di exam.

According to WAEC, di foto wen dem use for di results certificate, na di one im submit di time im apply for di Attestation of Results.

Na for 2002 di West African Examination Council (WAEC) begin put foto for dia certificate but na for 1961 Buhari write im own exam, and dat time dem no dey put foto for dia certificate.

Image copyright Bayo Omoboriowo
Image example Buhari cabinet members follow am celebrate

Buhari certificate wey neva appear since, don dey make pipo tok well well for Nigeria.

E be like say no be only Oga Buhari fit get dis 'attestation of result' as WAEC answer give one pesin for social media wey wan know how to get im own.

For 2014 wen im dey campaign to be Nigeria president, Oga Buhari say im certificate dey wit Nigerian Military.

Topics Wey Dem Resemble

Another thing we de for inside dis tori