Ekiti truck accident don kill 12 pipo for Iworoko market

Ekiti Image copyright Sunkanmi Ogunmuko

12 pipo don die and odas injure afta one truck wey carry load drive jam pipo for Iworoko market for Ekiti state South West Nigeria.

Police tok-tok pesin for Ekiti Caleb Ikechukwu confam di tori give BBC say di accident happen around 9.15pm on Saturday January 12.

According to di police, di motor bin dey come from Ifake go Iworoko wen di accident happun. E add say di truck first hit one car and small bus before e run enter inside building wey dey di other side of the road.

Image copyright Sunkanmi Ogunmuko

"I fit confam say 12 people die and we don carry di ones wey injure go Ekiti State Teaching Hospital" Na so Ikechukwu tok for phone.

Senate president Bukola Saraki , former Ekiti govnor Ayo Fayose don join odas ontop social media dey offer condolence to di victims of di accident.

Ikechukwu also tok say e no fit confirm di owner of di the truck and dem still dey investigate di mata.

Topics Wey Dem Resemble

Another thing we de for inside dis tori