Nairobi Attack: Suspected militants don attack Dusit hotel
At least one pesin die and four injure on Tuesday fordi attack wey happun for one big man hotel wey dem dey call DusitD hotel for Nairobi, Kenya.
Somalia militant group al-Shabaab claim say dem dey responsible for di attack.
Pipo around di area bin hear two blasts plus gunshots, and motor for di car park catch fire.
Head of Kenya Directorate of Criminal Investigation George Kinoti, tell BBC say, dem dey ground for area dey lead di police operation.
Cars burn for di car park and dem don rush pipo comot for di area as Police dey try to rescue pipo wey trap inside.
Somalia-based militant group al-Shabab say na dem dey behind di attack but dem no give any details. According to eyewitness na four armed men enta di complex.