Walter Onnoghen: Senate want Supreme Court to interpret suspension of Chief Justice of Nigeria

Justice Walter Onnoghen Image copyright Nigerian Bar Association
Image example Justice Walter Onnoghen na di most powerful judge for Nigeria until Friday wen President Muhammadu Buhari suspend am.

Nigeria senate don carry di suspension of Justice Walter Onnoghen go supreme court make dem interpret am.

For inside statement di tok-tok pesin for Senate President Yusuph Olaniyonu, say Senate carry di matter go Supreme Court make dem interpret di matter whether President Muhammadu Buhari follow di law for di suspension of di Chief Justice of Nigeria (CJN), Hon. Justice Walter Nkannu Onnoghen.

"Whether im collect di power of National Judicial Council and Senate as e dey inside Section 292 of Nigeria law book.

"As e be say dem don file di matter for court dia plan to sit on Tuesday ontop of di Chief Justice of Nigeria don become court matter. Dis one mean say Senate no go sit again until February 19, 2019 wey be afta di election".

Why Code of Conduct Tribunal postpone CJN Walter Onnoghen trial until further notice

Image copyright EiE Nigeria
Image example Justice Walter Onnoghen

Di kontri special court wey dey torchlight goment ogas wey fail to announce dia property give public before dem start work don shift hearing of di case of Justice Walter Onnoghen until further notice.

Code of Conduct Tribunal (CCT) on Monday postpone di case of false asset declaration against Justice Onnoghen wey chop suspension as Chief Justice of Nigeria, until Court of Appeal pass judgement ontop di mata di suspended judge file give di upper court.

CCT Chairmo, Justice Danladi Umar na im pass di ruling wen di Tribunal resume hearing ontop di case for Abuja, Nigeria capital.

President Muhammadu Buhari suspend Justice Onnoghen sake of say im no declare im property before im start work as Chief Justice of Nigeria for 2017.

Image copyright @CREVO360_NG

Na only two out of di three judge dem for di Tribunal show face on Monday. Justice Umar and Justice Julie Anabor, wey give order to suspend Onnoghen.

Before di ruling start, di CCT Chairmo beg say dem delay to start today sitting. Oga Aliyu Umar wey be goment lawyer no bin dey wen di sitting start for di Tribunal.

As dem start di case goment lawyer ask for adjournment until Court of Appeal pass judgement on di mata.

Topics Wey Dem Resemble

Another thing we de for inside dis tori