Nigeria 2019 Elections: Funny tins wey Nigerian politicians dey do wen voting don reach

Yemi Osinbajo Image copyright Segun Shodeinde/Facebook
Image example Nigeria Vice President Yemi Osinbajo

Nigeria politicians no dey fail to surprise dia supporters and kontri pipo wit some kain strange behaviour anytime wey election don dey reach.

Yes e strange because na dat time politicians dey like to plat woman hair, learn mechanic, fry akara, roast corn, dash fowl plus odas tins.

Dis behaviours dey funny because na sometin wey di politicians no bin dey do before, but all of sudden, dem go begin do am during dia campaign period before di elections.

Some of dem dey use am show di pipo say dem no be ajebutter but Kpako wey fit mix wella wit poor pipo plus even help dem do work, while odas dey try show say dem be ordinary pesin like oda pipo for for street.

Di wife of Nigeria president, Aisha Buhari carry waka go help fry di akara of one woman wey dey sell for roadside.

Image copyright Facebook
Image example Dis foto of di presido wife wey dey help woman fry im akara full everi wia

One time too, former Governor for Rivers State wey be now Minister of Transportation, Chibuike Rotimi Amaechi, bin enta street to plait one woman hair for Rivers State southern Nigeria just to beg pipo to vote Buhari for 2015.

Image copyright FACEBOOK
Image example Minister of Transportation, Rotimi Amaechi, no be hair dresser oh, but im dey try show pipo say e sabi di work.

No be only Amaechi don plait hair oh, Lagos APC Governorship Candidate, Mr Babajide Olusola Sanwo-Olu also don carry waka go one saloon for Lagos to go fix woman hair.

Image copyright AFP
Image example Babajide Olusola Sanwo-Olu don also show say im sabi fix hair too

Oga Sanwo-Olu and im running mate, Dr Obafemi Hamzat also don carry waka go Computer Village, Ikeja to learn phone repairs afta dem don bin go learn mechanic for one mechanic workshop for Lagos.

Image copyright Facebook
Image example Lagos APC Governorship Candidate, Mr Babajide Olusola Sanwo-Oluand im running mate, Dr Obafemi Hamzat dey learn how to repair phone for computer village
Image copyright Facebook
Image example Lagos APC Governorship Candidate, Mr Babajide Olusola Sanwo-Olu and im running mate, Dr Obafemi Hamzat dey learn mechanic

Di current Governor for Imo state, Rochas Okorocha, don also show pipo wey dey around am how to roast corn.

Image copyright Facebook
Image example Rochas Okorocha don show pipo im skill to roast corn

Foto of oda politicians wey don also do funny and strange tins still plenti berekete for social media. dis na some of dem.

Image copyright FACEBOOK
Image example IYIOLA OMISORE dey chop corn for public during im campaign
Image copyright Facebook
Image example Shehu Sani dey share transistor radio give pipo during wen im dey contest di Kaduna Central Senatorial District under di platform of All Progressive Congress
Image copyright FACEBOOK
Image example Former Osun State Governor,Rauf Aregbesola wear di same uniform wit student for one elementary school during wen e go commission one school
Image copyright Facebook
Image example For 2016, before di Ondo State November 26 governorship election, loaves of bread wit di name "Aketi", wey be nick name for APC governorship candidate, Rotimi Akeredolu, plenti for di state
Image copyright Facebook
Image example Former Lagos State Governor, Raji Fashola dey buy bole for roadside
Image copyright Facebook
Image example Garri, groundnut and sugar wey full everi wia during Jonathan and Sambo campaing period
Image copyright FACEBOOK
Image example Former Edo state governor Adams Oshomole dey chop corn for Public
Image copyright Facebook
Image example Former Ekiti State Governor, Mr Ayo Fayose share fowl give pipo as im begin im stomach infrastructure programme

Topics Wey Dem Resemble

Another thing we de for inside dis tori