Walter Onnoghen: National Judicial Council don query Chief Justice of Nigeria

Suspended Chief Justice of Nigeria Justice Walter Onnoghen (Light) and di Acting Chief Justice, Tanko Mohammed (Right).

Di highest committee of Judges wey fit discipline any member of di judiciary arm of goment inside Nigeria don querry di suspended Chief Justice of Nigeria Justice Walter Onnoghen and di Acting Chief Justice, Tanko Mohammed (CFR).

National Judicial Council afta dia emergency meeting on Tuesday give seven days to answer different petitions dem against dem.

Justice Walter Onnoghen na di most powerful judge for Nigeria until Friday wen President Muhammadu Buhari suspend am.

Di NJC meeting wey happun for Abuja na former president of di Appeal Court, Justice Umar Abdullahi chair am.

For di meeting di NJC chook eye inside four petitions dem including di one against di Chairman of di Code Of Conduct Tribunal, Danladi Umar, wey dem carry go Federal Judicial Service Commission (FJSC) wey be di right pipo under Nigeria law to handle dimatter.

NJC go meet again on February 11, 2019.

Topics Wey Dem Resemble

Another thing we de for inside dis tori