Walter Onnoghen: Code of Conduct Tribunal don fix new date for trial of suspended Chief Justice of Nigeria

Image copyright Twitter/@Sumner_Sambo
Image example Walter Onnoghen (left) Umar Danladi wey judeg of Conduct Tribunal (Right)

Nigeria special court wey dey try goment ogas wey fail to declare dia property before dem take office on Thursday fix 4th February to continue trial of one powerful judge, Walter Onnoghen

Code of Conduct Tribunal (CCT) collect go ahead on Wednesday from Appeals Court to continue di trial of Justice Onnoghen wey President Muhammadu Buhari suspend as Chief Justice of Nigeria

Di Code of Conduct Tribunal for statement say dem reach dey decision to kontinu wit di trial afta di Code of Conduct Bureau write dem letter on di 30th of January to resume di case.

According to di letter, dem bin tell di CCT to give dem date to resume di mata since di court of appeal don throw-away di request by di CJN make di court no go ahead wit di case.

Di Code of Coduct Tribunal suppose sit for 28th of January to consider di order by di defence counsel wey di kwesion weda di court get di power or jurisdiction to hear di mata.

Why Court clear road for Onnoghen trial

Abuja high court

Court clear di way on Wednesday for di trial of one powerful judge for Nigeria, Justice Walter Onnoghen wey di suspension wey President Muhammadu Buhari give dey cause serious confusion inside di kontri.

Court of Appeal for Abuja reject di suspended Chief Justice of Nigeria (CJN) request to press pause for case wey im dey face for Code of Conduct Tribunal (CCT).

Court say, provision of Section 306 of di Administration Criminal Justice Act no get power to gba break for criminal case.

Dis court decision mean say CCT dey free to continue di case. All dis dey happun just weeks before di kontri general election.

Topics Wey Dem Resemble

Another thing we de for inside dis tori