Deji Adeyanju: Nigeria social media activist don free from Kano prison

Deji Adeyanju, convener concerned Nigeria Image copyright Politics Nigeria

Deji Adeyanju, di Nigerian social media activist wey be leader of Concerned Nigeria group don regain im freedom afta more than two months inside prison.

But Adeyanju must pay N500, 000, and provide two sureties according to court High Court for Kano State, north-west Nigeria wey grant bail give di activist spend 67 days for detention.

Police arrest Adeyanju on December 13 sake of accuse say im dey involve for one murder case for 2005 for Kano.

Human Rights lawyer Segun Awosanya confam say Adeyanju don dey release.

Awosanya tell BBC News Pidgin say until today, police no formally arraign di activist for court on top accuse say im kill pesin.

Adeyanju arrest don cause plenti tok tok ontop social media as plenti pipo believe say di way wey police arrest am come keep am for detention without trial no pure.

Topics Wey Dem Resemble

Another thing we de for inside dis tori