Nigeria Elections 2019: 'INEC no gree give us election materials to inspect' - PDP
Nigeria opposition party, Peoples Democratic Party (PDP) don accuse di Independent National Electoral Commission (INEC) say dem no gree obey court order to give PDP access to all di election materials for di February 23, 2019 presidential election.
PDP Presidential candidate, Atiku Abubakar bin file for Court of Appeal to ask make INEC allow PDP chook eye for di register and oda important documents wey dem use for di election.
On March 6, court bin give PDP and Atiku go ahead.
- Gov. Wike promise N200m to family of lecturer wey die from election day shooting for Rivers
- Court don give order for INEC to allow Atiku, PDP inspect electoral materials
- Atiku don kick-start plan to challenge Buhari for court
Di party tok say dem don write give INEC two times but di election commission no wan gree give dem.
PDP accuse Prof Yakubu Mahmood say im dey try frustrate dia court waka unto say di documents go show say na Atiku win di election.
PDP sama warning give INEC say if dem continue to dey delay, e fit cause public hatred.