Yomi Shogunle: For proper understanding and to avoid kasala, use pidgin tok to police

Yomi Shogunle. Image copyright Yomi Shogunle/Twitter
Image example Yomi Shogunle no dey fear to tok im mind even for wetin no concern police

Yomi Shogunle, wey be di Head of Nigeria Police Complaints Response Unit, fit don discover di correct way for citizens and police to take live in peace: Pidgin.

Oga Shogunle wen im bin dey respond to one video of di Lagos State Police Rapid Response Squad, come add salt and pepper to wetin go lead to beta understanding,

"For now, no go dey speak Queen's English wit dem for road. For proper understanding, tok to dem for Pidgin, anoda way to avoid kasala."

For di video wia im dey comment, di RRS oga Tunji Disu dey follow im men tok wit both correct English and Pidgin.

As you go expect, pipo for social media begin drag oga Shogunle for wetin im tok.

Dis no be di first time wey oga Shogunle go tok wetin go make pipo drag am for social media. Infact sef for 2018, pipo for social media bin ask Twitter to ban im account.

E neva tey wey Nigeria Police tok-tok pesin for Lagos State also enta hot water wit pipo, wen im say "tattoos and dreadlocks dey strange to our culture."

Topics Wey Dem Resemble

Another thing we de for inside dis tori