Senator Adeleke don get bail ontop certificate forgery case

Senator Ademola Adeleke
Image example Senator Ademola Adeleke appear for Abuja magistrate court on Tuesday

Magistrate Court for Abuja don grant Senator Ademola Adeleke wey dey represent Osun West constituency bail afta Nigeria Police charge am for certificate forgery on Tuesday.

Senator Adeleke bin use im two leg enta go Force Headquarters for Abuja on Monday before dem gbab am.

Police cari am go court and on top five count charge but oga Adeleke say im no dey guilty on top all di accuse.

Di judge, Justice Zubaru say im for no fit grant am bail sake of say Adeleke no show sign say e dey sick but e later come give am.

Why police gbab Nigeria 'Dancing Senator'

Image copyright PDP

Police tok-tok pesin Frank Mba, say dem detain oga Adeleke ontop ongoing criminal investigations against di senator, according to tori pipo TheCable.

Senator Ademola Adeleke dey also face case on top say charge say e use 'oluwole' alias fake WAEC certicate enta university.

On 22 March 2019 di dancing senator win judgement of Osun State Govnorship Election Tribunal wey declare am winner of di September 2018 govnorship election inside di state.

Dat mata dey Appeal Court now as Nigeria ruling All Progressives Congress APC and dia party candidate Gboyega Oyetola file motion of appeal against di tribunal judgement.

Wit dis new charge wey police take detain di Senator, e go mean say oga Adeleke get anoda 'gbese' on top im head.

Topics Wey Dem Resemble

Another thing we de for inside dis tori