Adewura Bello: Na inside dis open manhole na im she meet her untimely death - Eyewitness

Adewura Bello
Image example Pipo wey see wen e happun say na for dis man hole she fall inside

Di untimely death of Adewura Bello shock many Nigerians sotey dem enta internet dey para as dem discover her deadi bodi for canal afta she miss for 11 days.

Di sad event bin happen for Gown Estate for Iyana Ipaja, Lagos, Nigeria as Adewura bin dey go back house.

Adewura bin miss on Wednesday May 15, afta she enta bus wey from Ikeja dey go Egbeda for Lagos mainland wia she dey live.

Image example One of di area pipo show BBC Yoruba reporter di manhole wey she bin fall inside.

One of di area pipo show BBC Yoruba reporter di manhole wey she bin fall inside.

Flood water na im cari her and di okada man wey bin cari her afta di man refuse to hear warning, according to wetin pipo tell BBC.

Area pipo say once rain fall, di whole place go be eye saw as dirty water go flood evriwia.

Dem no support media player for your device
Video by: Abigail Ony Nwaohuocha

Tori be say she fall enta manhole wey goment no cover and dem later find her bodi for canal.

One of her relative tell BBC News Pidgin say dem neva fix burial date as dem still dey try collect her bodi from di police.

Image copyright @theactionben/Twitter

Naija pipo para for internet

Many Naija pipo use di #RIPWura for social media to mourn di death of 26yr old Adewura Bello.

Meanwhile, pipo dey para for social media as dem use Adewura death to call goment attention to di manhole wey dem fail to cover.

BBC Pidgin on im own fit comfirm say manhole wey dey open full Lagos roads.

Before she die, Adewura na accounting graduate from University of Lagos.

Dem no support media player for your device
Anglophon Crisis: Comedians wan use comedy 'heal' pipo for Cameroon displacement camp

Topics Wey Dem Resemble

Another thing we de for inside dis tori