Mele Kyari: President Buhari don appoint new NNPC Group Managing Director

Mele Kolo Kyari Image copyright NPPC

President Muhammadu Buhari don appoint new head of Nigeria goment oil company.

Mele Kolo Kyari go replace Maikanti Baru as di new Group Managing Director of NNPC.

Di Nigerian National Petroleum Corporation confam di tori for tweet about di appointment on Thursday morning.

President Buhari bin order say di new GMD and di oda top officials (COO) wey just get appointment, say make dey join hand to work wit di current wey dey for position till 7 July, 2019 so as to make sure di transfer of office on 8 July, when di new appointment go take effect, go dey smooth.

Before im new appointment, oga Yari na geologist, Group General Manager, Crude Oil Marketing Division of NNPC Group and also work, since 13 May, 2018, as di konti National Representative to di Organization of di Petroleum Exporting Countries, OPEC.

Yari go be di 19th Group Managing Director of di federal goment oil company.

Di seven new Chief Operating Officers na:

1.Mr. Roland Onoriode Ewubare (S/South) - COO Upstream

2.Engr. Mustapha Yinusa Yakubu (N/ Central) - COO Refining & Petrochemicals

3.Engr. Yusuf Usman (N/East) - COO, Gas & Power

4.Ms. Lawrencia Nwadiabuwa Ndupu (S/East), COO Ventures

5.Mr. Umar Isa Ajiya (N/West) - Chief Financial Officer

6.Engr. Adeyemi Adetunji (S/West) - COO, Downstream and

7.Mr. Farouk Garba Said (N/West) - COO, Corporate Services

We eye still dey dis tori wey just land and we go bring una more as e dey comot. Make una load di page again to see di full tori.

Another thing we de for inside dis tori