Insecurity: Jaguda pipo kidnap four Turkey pipo for Kwara State - Police

Ajayi Okasanmi Image copyright Facebook / Ajayi Okasanmi

Jaguda pipo don kidnap four Turkey nationals for di central Nigerian state of Kwara.

Kwara State police tok tok pesin Okasanmi Ajayi tell di BBC say six gunmen kidnap di Turkey nationals for one beer joint for di village of Gbale on Saturday night.

Im say di kidnapped four men be construction workers and di police don begin rescue operations.

Na inside forest di kidnappers run enter wit di victims.

Kidnappings for ransom na something wey dey frequent for Nigeria as jaguda pipo dey target both locals and expatriate for di kontri.

On Tuesday, pirates take ten Turkey sailors hostage as dem attack dia cargo ship off di coast of Nigeria, until now, dem never regain dia freedom.

Topics Wey Dem Resemble