Kidnapping: Police confam fresh kidnap along Lagos/Ibadan Express way

Awọn gende agbebọn. Image copyright @NigerianPolice

Nigeria Police don confam to BBC Pidgin say jaguda pipo don kidnap some pipo for Lagos/Ibadan Express way.

Abimbola Oyeyemi of di Ogun State Police Command tok say di gbege hapun between 7.30pm and 8.00pm for Tuesday around di Ogunmakin forest area of di highway.

"Some travellers dey go through Lagos-Ibadan Expressway and as dem reach Ogunmakin area, jaguda pipo comot from bush come attack di vehicle. As I dey follow you tok now, we get report say dem don abduct 3 of di passengers and dem don carry dia car come police station"

Oyeyemi wey be PRO of Ogun State Police Command add say two of di passengers wunjure and dem don carry dem go hospital.

Image copyright @renoomokri
Image example Local tori pipo dey report say dem kidnap di pikin of di Chief Medical Director of Lafia Hospital wey dey Ibadan, Oyo State. According to wetin im tell tori pipo, Punch, Dr. Oladipupo Sule tok say im son Kayode along with two members of im staff, Opeyemi Abifarin and Dele Adigun dey go buy drugs for Lagos wen dem kidnap dem for road.

Oyeyemi add say police for Ogunmakin Police Station for Ogun State don recover di vehicle where di passangers bin dey travel wit before di kidnap.

Commissioner of Police for Ogun State, Bashir Makama don deploy security to di place led by di Deputy Commissioner of Police for Operations to try rescue di pipo wey dem kidnap, Oyeyemi Add.

Topics Wey Dem Resemble

Another thing we de for inside dis tori