Shiites: Ibrahim El-Zakzaky no show but court set ruling for bail ontop murder
Kaduna State High Court don set August 5, as date to rule on di bail application wey leader of Islamic Movement in Nigeria (IMN), Ibrahim El-Zakzaky, and im wife, Zeenat file.
Sheik El Zakzaky court case ontop accuse of attempted murder resume on Monday but e no show face for court.
Na Kaduna state goment cari di mata go court.
Ibrahim El Zakzaky, wey get im ginger from di Islamic Revolution inside Iran, don dey prison since 2015.
Im supporters don dey hold regular protests calling for im release, dem dey claim say im need urgent medical treatment.
El-Zakzaky followers don dey protest for Abuja and oda places for di kontri, to demand for di release of dia leader, wey don dey detention since 2015 even though one oda court don order say make dem release am.