Ministerial List: Buhari don set to assign ministers portfolio

President Buhari Image copyright Twitter/@BashirAhmaad

Nigeria Presido Muhammadu Buhari don thank Senate say dem sharparly finish interview of pipo wey im nominate to be Ministers.

Di kontri Senate use five working days from Wednesday July 24 to Tuesday July 30, 2019 finish di screening of 43 ministerial nominees wey di presido bin send dem on Tuesday July 23.

Presido Buhari tok say im hope say im go fit name im cabinet soon, dat is to assign ministry and office name alias portfolio to each nominee.

"I praise di way wey di Senate commit demsefs to confam di ministerial nominees, as dem also ensure speed ontop di mata"

"Di pipo of Nigeria want results, and wit dis list of ministers, we dey confident say we go deliver those results. I go assign specific ministry and office name alias portfolio to di nominee wen we swear in di cabinet." Di presido tok for statement im release on Tuesday night.

Many Nigerians dey hope say di presido fit name im cabinet on Tuesday wey be Federal Executive Council meeting.

Of di 43 Ministers nominee, 7 na women, 12 go be senior members of cabinet onto say dem dey return for second term as ministers while no single pesin under 35 years dey di list.

Hadi Sirika, Chris Ngige, Rotimi Amaechi, Babatunde Fashola, Ogbonnaya Onu, Lai Mohammed, Adamu Adamu, Geofrey Onyema, Zainab Ahmed and Osagie Ehimere na some of di 12 old ministers wey go collect reappointment.

See di full list di Ministers-to-be

1. Chris Ngige

2. Hadi Sirika

3. Rotimi Amaechi

4. Festus Keyamo

5. Uche Ogah

6. Emeka Nwajuiba

7. Sadiya Farouk

8. Musa Bello

9. Babatunde Fashola

10. Godswill Akpabio

11. Sharon Ikeazor

12. Ogbonnaya Onu

13. Akpa Udo

14. Adebayo (Ekiti)

15. Timipre Sylva

16. Osagie Ehimere

17. Lai Mohammed

18. Baba Shehuri (Borno)

19. Isa Pantami

20. Gbemi Saraki

21. Ramatu Tijani

22. Clement Abam

23. George Akume

24. Sunday Dare

25. Geofrey Onyeama

26. Tayo Alasaodura

27. Olorunminbe Mamora

28. Mohammed Abdullahi

29. Adamu Adamu

30. Maryam Katagun

31. Zainab Ahmed

32. Sabo Nano

33. Zubair Dada

34. Paullen Tallen

35. Abubakar Aliyu

36. Sale Mamman

37. Abubakar Malami

38. Muhammed Mamood

39. Mohammed Adamu

40. Rauf Aregbesola

41. Mustapha Buba Jedi Agba

42. Olamilekan Adegbite

43. Mohammed Dangyadi

Topics Wey Dem Resemble

Another thing we de for inside dis tori