Nigerian club buy footballer for N5000

Ibrahim Iriyos

Na for first week of 1 September football transfer market for Europe especially for France, Germany, Spain and Italy.

For Nigeria, history happun afta Gano, Dawakin Kudu local goment area for Kano, record di most expensive transfer after Super Stars club wey dey di town buy Ibrahim Salisu Iriyos as di most expensive for di town.

Super Stars wey dey play for Division two for Kano FA league buy Salisu Iriyos from Aston Villa Gano for N5000, wey be £10.86.

Di striker wey dey score plenty goals show interest to move to Super Stars because dem dey play division wey dey ahead of wia im former club dey.

Di player bin dey go train wit Super Stars wen im former team dey break and dis na wetin make Super Stars know say e sabi and dem rush buy am.

Idin Gano na im chairmo for Super Stars and na im lead negotiations for di transfer, afta e meet Abba Alasan, Aston Villa coach, wia dem agree on di fee and terms for di transfer of di player.

Topics Wey Dem Resemble

Another thing we de for inside dis tori