Sarkin Waka arrest: Kano musician don get bail

Nazir Ahmed a.k.a Sarkin Image copyright Aminu Saira
Image example Nazir Ahmed a.k.a Sarkin

Kano state musician Nazir Ahmed, popularly known as Sarkin Waka, don get bail afta police bin arrest am on Wednesday.

Police bin confam to BBC say dem arrest Sarkin Waka for im house because of one song wey im release and di fact say e build studio for house without permission.

Emir of Kano bin turban di musician as Kano chief of musicians two years ago.

Di musician broda, Yawale Ahmed, say di police bin no first tell am say dem dey arrest am.

"At first dem no tell am say dem go keep am, dem just say dem wan carry am go for questioning on one song wey im release four years ago and also say e get studio inside house and dem even check dat one and no see anything."

Image copyright Getty Images
Image example Emir of Kano Muhammad Sanusi give am title of Chief of musicians and e sing popular song for am

Dis no be di first time Kano artistes dey enter trouble since di re-election of Kano governor Abdullahi Ganduje with recent arrest of Kannywood director Sanusi Oscar wey dey out on bail and YKS Yakassai wey dey serve two years in prison for abusing Ganduje in a song.

Sarkin Waka just like Oscar and Yakasai dey support PDP and Kwankwassiya wey put dem against APC ruling party for di Northwest state.

Some say di arrest of Sarkin Waka go cause heavy discussion not only for Kano but neighbouring Hausa speaking kontries like Niger Republic wia di singer dey very popular.

Topics Wey Dem Resemble

Another thing we de for inside dis tori