Abu Bakr al-Baghdadi: US operation inside Syria kill IS leader

Baghdadi addressing crowd in Mosul, 2014 Image copyright AFP
Image example Baghdadi announced the creation of a "caliphate" from Mosul in 2014

Leader of di Islamic State (IS) group wey don dey run since, dem don kill am and na one US military operation inside northwest Syria, President Donald Trump don tok.

Oga Trump wey bin dey tok from White House say na inside one US operation dem kill Abu Bakr al-Baghdadi.

Baghdadi become popular for 2014, wen he announce di of one "caliphate" inside areas of Iraq and Syria.

IS cari out some kain bad bad tins wey bin result to thousands of deaths.

Di jihadist group even impose one brutal rulef for almost eight million pipo in di areas under im control and im dey behind a number of attacks inside cities around di world. Di US bin declare say dem don win di "caliphate" earlier dis year.

Dem no support media player for your device
Mr Trump called Abu Bakr al-Baghdadi a 'brutal killer'

Who be Abu Bakr al-Baghdadi?

Baghdadi, wey im real name na Ibrahim Awwad Ibrahim al-Badri, and pipo sabi am as highly organised and ruthless battlefield tactician. Dem discribe am di world most wanted man.

Na for near Samarra, north of Baghdad, im mama born am for 1971, and reports suggest say im be imam for one mosque inside di city around di time wen America lead soldiers wey raid di town in 2003.

Some believe say im already be one Islamic fighter during di rule of former Iraq leader Saddam Hussein. Odas suggest say im become radical during di time dem detain am for Camp Bucca, wey be US facility inside southern Iraq wia many al-Qaeda commanders bin dey detained.

Dem no support media player for your device
A video appearing to show the IS group leader was released earlier this year

Baghdadi appear for 2010 as di leader of one umbrella group wey include al-Qaeda in Iraq, and rise to be very popular wen IS militants capture Iraqi city of Mosul inside 2014, wen him declare the creation of one "caliphate".

Dat na di only time Baghdadi show face for public. Im appear for inside one video wey IS release earlier dis year.

In October 2011, di US officially tag Baghdadi say him be "terrorist" and offer one reward of $10m (£5.8m at dat time) for any pesin wey go provide informate wey fit help to his capture or kill am. Dis reward increase to $25m for 2017.

Topics Wey Dem Resemble

Another thing we de for inside dis tori