Buhari in Maiduguri: Youths boo President Muhammadu Buhari afta e visit Borno to tok sorry for terrorist attack

Buhari in Maiduguri Image copyright Twitter/@DeeOneAyekooto

One viral video don show as plenti youths for Maiduguri, Borno state North East Nigeria gada for road dey boo President Muhammadu Buhari on Wednesday, February 12.

Di video show as hundreds of angry youths gada for Yan nono road dey shout 'Ba ma so' for Hausa language wey mean 'we no want' and 'Ba ma yi' wey mean 'we no do again'.

Image copyright Twiiter/BASHIR AHMAD
Image example Buhari also visit Emir of Maiduguiri

Buhari tok say "I wan tell all Nigerians say we dey take steps to make sure security dey beta for di whole nation."

For Borno, di military go work hard pass how dem dey work before to deal with di insurgents. Buhari add.

"I dey beg community leaders and pipo dem make dem give our troops all di informate and cooperation wey dem need."

President Buhari bin land for Maiduguri on Wednesday to tok sorry to di goment and pipo of Borno state afta Boko Haram terrorists kill plenti travellers for di state.

Di terrorists bin kill about 30 travellers, burn plenti moto on Sunday, February 9 for Auno near Maidugiri.

Di attack bad sotay e force di military to close di Maiduguri gate.

Topics Wey Dem Resemble

Another thing we de for inside dis tori