Coronavirus: See di list of kontris wey don get COVID-19 disease as e dey spread

virus measures

Wia dis foto come from, Getty Images

Anoda pesin for Senegal don test positive for coronavirus, di kontri health ministry confam.

Di patient wey be di second confam case na 80-year-old French national wey arrive di West African kontri on 29 February.

Dem dey treat am for di same hospital for infectious disease for di capital, Dakar wey be di same place wia dem carry di first confam case go.

Since December 2019 wen di novel Coronavirus outbreak bin start for Wuhan, China, so far e don claim di lives of ova 3,000 pipo across di world.

As medical researchers and goment officials all ova di world dey look for cure and medicine to take contain di virus, di tin still dey spread from one kontri to anoda.

As at March 4, ova 70 kontris don cofam coronavirus cases, according to report from Pharmaceutical Technology.

See di list of di kontris , wen e enta dia kontri and di number of cases dem don report so far