FA Cup: Man United sama Derby County 3-0 as Ighalo score two goals

Odion Ighalo

Wia dis foto come from, Manchester United/TWITTER

Wetin we call dis foto,

Odion Ighalo

Nigeria international football star and Manchester United striker, Odion Ighalo say im know care about wetin anybody tok wit im surprise move to Old Trafford after di two goals wey im score for di FA Cup quarter-final win ova Derby County.

Di 30 year old now don score three goals as im begin play for United and e play well pass di pesin wey be di all time highest goal scorer for Man U, Wayne Rooney for Pride Park.

Ighalo say so far im teammates, coach and im fans believe in am, im go continue to work and dem must keep moral high to deliver dis season.

United don win di FA Cup 12 times and go meet Norwich City for di quarter-final.

Derby don play for six-fifth round matches since 1999, but dem still neva reach FA quarter finals.