Coronavirus: How COVID-19 fit be agent of peace for Cameroon

UN General Secretary Image copyright Getty Images
Image example UN General Secretary

As coronavirus continue to dey spread for Africa - anoda angle don dey to di tori - e fit bring peace?

Armed groups all ova di world dey call for ceasefires to helep pipo concentrate to fight di virus.

Dis dey happun as United Nations Secretary General, Antonio Guterres say make oda armed groups for Anglophone regions drop dia guns for helep fight Covid-19 pandemic.

Antonio Guterres e call kam afta Southern Cameroons Defence Forces, SOCADEF gree for mash break for fighting for Anglophone regions.

UN boss bi send global message say make all fighting stop for de world for helep fight one enemy, Covid-19.

Cameroon don already confirm 88 Covid-19 cases, two pipo well go house and two die.

About 500 pipo di wait for do de test and de good news na say Jack Ma Chinese billionaire dash Cameroon and oda African kontris 20,000 test kits, 100,000 masks and 1000 protection kits.

Afta e call separatist fighters for Anglophone regions for drop dia guns look for peaceful solution for de fighting for Northwest and Southwest Cameroon.

SOCADEF, one of de many groups separatist groups for Anglophone regions say deh go mash 14 days break for fight face number one enemy, Covid 19.

Ebenezer Akwanga SOCADEF leader say deh no go fight from March 29 go reach April 12, ake international community take humanitarian action for fight dis pandemic.

Samuel Sako e group, 'interin goment', say deh drop dia guns if UN monitor de ceasefire.

Covid-19 na disease weh e touch nearly de whole world weh WHO don call'am pandemic.

Dem no support media player for your device
Covid-19 in 60 Secs: Chroloquine fit fight coronavirus?

Alredi, di Syrian Democratic Forces don pause military action.

President Rodrigo Duterte bin announce unilateral ceasefire for Philippines wit communist fighters.

And one separatist group for di border of Cameroon and Nigeria to say dem get plan to start two-week ceasefire on Sunday, dia leader tell BBC.

Just now Cameroon don confirm 88 Covid-19 positive cases and de situation di bad everi day.

Anglophone crisis start for 2016 and just now more dan 3000 pipo don, 600,000 pipo don run go odas areas and 600,000 pikim dem don komot for school, 60000 dey for Nigeria.

Topics Wey Dem Resemble

Another thing we de for inside dis tori