Latest on coronavirus in Nigeria: Churches, Mosques fit reopen for Lagos but wit conditions - See dem here

Govnor Sanwo-Olu

Wia dis foto come from, Twitter/GboyegaAkosile

Wetin we call dis foto,

Govnor Sanwo-Olu set di new conditions on Thursday.

Lagos authorities don give green light for churches to resume but wit conditions.

Tori be say Lagos State Govnor Babajide Sanwo-Olu don tok say churches and mosques fit open starting from June 19.

Di Govnor say mosques go reopen from June 19 while churches go begin services from June 21.

Di Lagos govnor add say pipo wey don pass 65 years old no go fit attend church or mosque for now.

Di govnor announcement dey come after di Presidential Task Force bin say religious centres fit re-open but give dem some rule to follow.

Lagos get di highest number of coronavirus cases for Nigeria. Di state wey also be Nigeria commercial capital get 5440 confam cases with 67 deaths. 878 pipo don recover from di disease.

Lagos get at least 20 million pipo wey dey live inside.

Wia dis foto come from, Twitter Gboyeja Akosile

Wetin we call dis foto,

Govnor Sanwo-Olu tok dis one on Thursday as im dey address tori pipo on Covid-19 for di State House Marina.

See di condition here

  • All religious centres (churches and mosques) must be 40% of dia venue capacity.
  • No hugging, handshakes, serving of food e.g. holy communion etc for any religious centre
  • Children wey dey less dan 15 years no de allowed to go.
  • Religious gatherings go only happun on Friday and Sunday.

mapped

Confam cases wey dey for di world

Group 4

Abeg upgrade your browser to see di full interactive

Source: Johns Hopkins University, national public health agencies

Last figure update 1 Jun 2022 10:24 GMT+1